Publicador de contidos
Publicador de contidos

Sergio Busquets anuncia que deixa o Barça a final de tempada

Sergio Busquets anuncia que deixa o Barça a final de tempada

O seu destino parece encamiñado cara ao fútbol da Arabia Saudita

G24.gal 10/05/2023 11:51 Última actualización 10/05/2023 11:57

O centrocampista do Barcelona Sergio Busquets, de 34 anos, anunciou este mércores que deixará de pertencer ao equipo azulgrana ao termo da presente tempada: 

"Ola, culers: chegou o momento de anunciar que esta será a miña última tempada no Barça", dixo o 5 blaugrana nun vídeo compartido polo F. C. Barcelona.

O club ofrecera a Busquets seguir unha tempada máis por expreso desexo do adestrador, Xavi Hernández, pero o mediocentro de Badía do Vallès, que finaliza contrato o próximo 30 de xuño, decidiu non aceptar a renovación.

Busquets vaise do Barcelona despois de 17 tempadas, nas que polo momento, conquistou 31 títulos (8 Ligas, 7 Copas do Rey, 7 Supercopas de España, 3 Ligas de Campións, 3 Mundiais de Clubs e 3 Supercopas de Europa). Que seguramente sexan 32, se os blaugranas logran a Liga nos próximos días. O seu destino parece encamiñado cara ao fútbol da Arabia Saudita, xa que dispón de ofertas para finalizar a súa carreira deportiva alí

 

Publicidade
Publicidade
Publicidade
Publicidade
Pódeche interesar