Steve Bannon, exasesor de Trump, condenado a catro meses de cárcere

Un tribunal federal de Washington condenou a Steve Bannon, o quen fora asesor do expresidente dos Estados Unidos, Donald Trump, a catro meses de cárcere por negarse a colaborar co comité lexislativo que investiga o asalto ao Capitolio do 6 de xaneiro de 2021.

O xuíz Carl Nichols aceptou tamén a petición da fiscalía estadounidense de que Bannon pague unha multa, aínda que rebaixou a suma a 6.500 dólares, fronte aos 200.000 que pedía o Departamento de Xustiza.

A fiscalía pedía seis meses de cárcere para Bannon ademais da multa, mentres que a defensa de Bannon solicitou que o seu cliente cumplise a pena baixo arresto domiciliario. O maxistrado Nichols avisou os abogados defensores antes de dar a súa decisión de que Bannon debía pasar como mínimo un mes en prisión.

O pasado mes de xullo foi declarado culpable por un xurado de negarse a comparecer ante o comité lexislativo que analiza o asalto ao Capitolio e tamén a proporcionarlles algúns documentos. O xuíz afirmou que permitirá a suspensión da sentencia se o equipo de Bannon presenta unha apelación.