Tanxugueiras: "A canción que presentamos a Eurovisión é máis nós ca nunca"

Teñen a axenda completa, pero puideron facer un alto no camiño para atender a Televisión de Galicia en Cangas. Logo de meses sendo as favoritas nas votacións populares dos seareiros do festival de Eurovisión, xa fixeron oficial a súa candidatura.

Se acadan a representación, defenderán unha nova canción na final de Turín, prevista para o mes de maio. Velaquí van algunhas pistas.

O anuncio culmina un ano moi especial para estas pandeireteiras e cantareiras dispostas a exploraren todas as sonoridades desde a música tradicional galega. 

Tanxugueiras pecharán a xira de 'Contrapunto', o seu segundo disco, cun concerto o domingo 28 en Culturgal con moitas sorpresas.