Toño Troitiño e Alfonso García logran a maioría de asembleístas para acceder á presidencia da FGA
Toño Troitiño e Alfonso García logran a maioría de asembleístas para acceder á presidencia da FGA
A candidatura de Renova FGA triplicou en número á de Iván Corral, que leva máis de 30 anos no cargo
Antonio Rodríguez Troitiño e Alfonso García logran a maioría de asembleístas para acceder á presidencia da FGA. A candidatura Renova FGA, composta por Antonio Rodríguez Troitiño e o ourensán Alfonso García, logrou unha ampla maioría de asembleístas tras a contabilización dos votos por correo nas eleccións da Federación Galega de Automobilismo.
A igualdade foi a tónica dunhas eleccións marcadas por unha dura campaña e na que o voto da Coruña e Pontevedra foi determinante. Nestas dúas provincias o número de federados que acudiron a votar foi notable, o que decantou a balanza en favor da candidatura conxunta de Troitiño e García, xa que tanto en Ourense como en Lugo o número de votantes foi sensiblemente inferior. No cómputo dos aproximadamente 70 votos emitidos por correo, nun reconto que se alongou varias horas para certificar que todo se fixo acorde ao regulamento, a situación en varios dos estamentos cambiou de sentido, debido a que na participación presencial estaba moi de fronte para o actual presidente, Iván Corral, que leva máis de 30 anos no cargo.
No reconto de asembleístas, a candidatura de Renova FGA triplicou en número a de Iván Corral.
