Trump dá os primeiros pasos para gravar os semicondutores e os produtos farmacéuticos

O Goberno que preside Donald Trump iniciou investigacións de seguridade nacional sobre as importacións de chips e produtos farmacéuticos que, segundo medios estadounidenses, servirán para gravar con novos aranceis estes produtos.

Así, o Departamento de Comercio dos Estados Unidos publicou onte varios avisos oficiais sobre o inicio destas investigacións que abarcarán a maquinaria utilizada para fabricar semicondutores, aos produtos que conteñen chips e aos ingredientes farmacéuticos.

Os novos aranceis a semicondutores e produtos farmacéuticos emitiríanse baixo a Sección 232 da Lei de Expansión Comercial de 1962, que permite ao presidente impoñer aranceis para protexer a seguridade nacional dos Estados Unidos.

Trump xa insinuou onte que esta mesma semana impoñería novas taxas aos semicondutores e produtos farmacéuticos, co obxectivo de impulsar a produción nacional.

Os Estados Unidos dependen en gran medida dos chips importados de países como Taiwan ou China, algo que o Goberno republicano considera un risco para a seguridade do país.

Tamén moitos dos medicamentos que se consomen no país proceden de países como Irlanda, a India ou China, segundo lembrou onte o propio Trump que quere que se volvan a producir no país.