Trump di que restaurará as festividades do Día de Colón nos Estados Unidos
"Estou a traer de volta o Día de Colón de entre as cinzas", escribiu Trumo na súa rede social, Truth Social
O presidente dos Estados Unidos escribiu que os demócratas fixeron todo o posible "por destruír a Cristovo Colón e destruíron as súas estatuas"
Imaxe de arquivo do presidente dos Estados Unidos, Donal Trump
O presidente dos Estados Unidos, Donald Trump, anunciou este domingo que restaurará as festividades do Día de Colón, que se celebra o 12 de outubro pola chegada de Cristovo Colón ao continente americano en 1492 e que nos últimos anos foi rebautizado no país como Día dos Pobos Indíxenas.
"Estou a traer de volta o Día de Colón de entre as cinzas", escribiu na súa rede social, Truth Social, o magnate republicano.
Na súa mensaxe, Trump anotou que os demócratas fixeron todo o posible "por destruír a Cristovo Colón, a súa reputación e a todos os italianos que tanto o adoran".
Nese sentido, o presidente tamén salientou que os demócratas "derrubaron as súas estatuas".
En 2020 no marco das protestas contra o racismo e a brutalidade policial de cando Trump terminaba o seu primeiro mandato en Boston, o explorador amenceu decapitado, en Richmond e en Virxinia debaixo da auga e en Saint Paul, en Minnesota, un grupo de persoas tirou unha estatua de Colón entre berros e aplausos.
"Alegraralles saber que Cristovo volver con forza. Restablezo o Día de Colón coas mesmas regras, datas e lugares que tivo durante as décadas anteriores!", concluíu Trump na súa mensaxe.
