Unha cadea de explosións en Paquistán deixa 56 mortos e máis de 62 feridos

Son xa 52 persoas mortas e máis de 50 feridos tras un ataque suicida nunha mesquita na provincia de Baluchistán, no sur de Paquistán, segundo informaron a EFE as autoridades.

"O número de mortos chegou a 52 e hai máis de 50 feridos", indicou o oficial da comisaría da cidade de Mastung, en Baluchistán, onde tivo lugar o ataque, Mohammad Javed Lehri. Entre os mortos atopouse "un alto oficial de Policía que estaba de servizo para brindar protección á procesión relixiosa", agregou o axente.

O ataque ocorreu fronte a unha mesquita no medio da festividade relixiosa Eid-e-Miladun Nabi, un evento auspicioso en que os musulmáns honran o aniversario do nacemento do profeta Mahoma, segundo indicou a EFE outro responsable da policía de Mastung, Zubair Baloch.

Ata o momento non reivindicou a autoría do ataque ningún grupo. Esta é a segunda explosión que se produce en Mustang este mes. O pasado 14 de setembro, once persoas, entre eles o líder partido relixioso Jamiat Ulema Islam (JUI), Hafiz Hamdullah, resultaron feridas por mor dunha explosión preto do vehículo no que viaxaban na estrada Quetta-Karachi.

Tras coñecerse o sucedido, o ministro do Interior interino de Paquistán, Sarfraz Bugti, condenou na plataforma X "o atroz ataque en Mastung" e asegurou que o Goberno empregará todos os recursos dispoñibles para garantir atención ás vítimas e mellorar a seguridade no país.

"Estamos comprometidos cunha política de tolerancia cero contra os terroristas", afirmou Bugti.

Pola súa banda, o xefe de Goberno interino de Baluchistán, Mir Ali Mardan Domki, anunciou tres días de loito para expresar solidariedade coas familias dos falecidos, segundo informou en X o ministro interino de Información provincial, Jan Achakzai.

Segundo ataque suicida a unha mesquita 

Unha explosión nunha mesquita na conflitiva provincia de Khyber Pakhtunkhwa, no noroeste de Paquistán, deixou catro mortos e 12 feridos este venres, no segundo ataque suicida desta xornada tras o atentado de Baluchistán con medio cento de falecidos.

O atentado tivo lugar nunha mesquita dentro dun complexo policial, á hora do sermón, cando se reúne o maior número de crentes, segundo informou o medio paquistaní Geo TV. Ata o momento ningún grupo reivindicou a autoría do ataque.

Terceira explosión sen vítimas

Unha terceira explosión tivo lugar este venres en Paquistán, esta vez nos arredores dunha mesquita dunha das principais cidades do país, sen que se reportaran vítimas polo momento, o terceiro ataque letal en lugares de cultos xusto rendo o país celebra unha das súas festividades máis importantes.

A explosión tivo lugar nunha mesquita preto da cidade de Peshawar, na conflitiva provincia de Khyber Pakhtunkhwa, durante as oracións do venres, informaron fontes policiais citadas pola canle de noticias paquistaní Geo News.