Un barco cargado de obuses está refuxiado no porto de Vigo tras un corremento da carga

O mercante HC Eva Marie está refuxiado no porto de Vigo desde hai unha semana por un "corremento de carga" debido ao temporal que azoutou Galicia os últimos días, segundo informou nun comunicado este sábado a Autoridade Portuaria.

O buque, procedente de Xordania e con destino a Alemaña, viaxaba cargado  con nove contedores  cargados de obuses que estaban danados cando emitiu un aviso o  sábado pasado ao porto de Vigo "por un pequeno corremento de carga" como consecuencia do temporal, segundo informa da Autoridade Portuaria de Vigo.

O paso da borrasca EOWYN e a inminente chegada doutra borrasca a "Herminia" provocara unha situación meteorolóxica "complicada" polo que a APV, "debido ás características do barco, que porta mercadorías perigosas" xestionou a atracada do braco con Capitanía Marítima, a Garda Civil e os prácticos do porto, explica o comunicado.

"O mal estado da mar imposibilitaba que o buque seguise navegando, xa que isto supoñería un risco tanto para o propio barco como para a navegación, ante a posibilidade de perda de carga, valorándose como a solución máis segura destinar unha atracada en peirao", indica a APV.

Antes de que o mercante atracase, "leváronse a cabo as preceptivas análises de risco e as condicións de atracada fixáronse respectando a normativa en vigor, garantindo, en todo momento, a seguridade das persoas, a infraestrutura e o propio buque", engade o comunicado.

O buque agora está atracado na cabeza do Peirao Transversal, dado que é un das peiraos designados para buques con mercadorías perigosas, "onde se atopa custodiado por un equipo de seguridade privado 24h e a vixilancia da Policía Portuaria e a Garda Civil", explica.

A APV afirma que se instou á empresa responsable da carga en destino a desprazarse a Vigo para inspeccionar a mercadoría e elaborar o plan de seguridade correspondente "para a trincaxe posterior dos contedores", tras o que o buque poderá abandonar o Porto de Vigo, "sempre que cumpra coas medidas de seguridade".

"A operación de trincaje realizarase sen desembarcar a mercadoría no peirao, movendo os contedores que están en perfecto estado a outra adega e illando os 9 contedores danados na actual, perfectamente trincados e evitando riscos para a navegación do buque", afirma.

O Comunicado tamén explica que o buque será inspeccionado este sábado pola empresa cargadora e expertos en materia de seguridade neste tipo de mercadorías.

O HC EVA MARIE é un buque multipropósito, portacontedores e carga convencional, de 145,6 metros de eslora e capacidade máxima de 632 TEUS, aínda que só leva a bordo un total de 96 contedores, dos que "unicamente 9 resultaron danados polo corremento", segundo a Autoridade Portuaria