Un gol de Raúl Blanco decide o amigable entre o Celta Fortuna e o Fabril

Un gol de Raúl Blanco decidiu o amigable entre o Celta Fortuna e o Fabril (1-0). Típico partido de pretemporada en que o equipo vigués demostrou ter un punto máis de preparación e calidade. 

No primeiro tempo as ocasións máis claras estiveron nas botas de Pablo Durán (Celta) e Kevin Sánchez, o dianteiro máis bulideiro do filial deportivista.

O segundo tempo seguiu na mesma liña. Non houbo moitas ocasións ata que no minuto 65 chegou o gol do Celta Fortuna anotado por Raúl Blanco nun erro na saída de balón do Fabril.