Un lugués que agrediu sexualmente a súa neta entre os 11 e os 14 anos non irá á prisión
Aceptou dous anos de prisión, pero acusacións e defensa chegaron a un acordo para que non ingrese en prisión sempre que pague unha indemnización de 50.000 euros á menor
O xuizo celebrouse na Audiencia Provincial de Lugo
Na Audiencia Provincial de Lugo celebrouse un xuízo por abuso a unha menor, no que o acusado era o propio avó da vítima.
O home recoñeceu os feitos, aceptou unha condena de dous anos de prisión que finalmente quedou en suspenso ao chegar as acusacións e a defensa a un acordo para que non ingrese en prisión sempre que pague a indemnización acordada de 50.000 euros á menor.
Os abusos e tocamentos comezaron cando a nena tiña 11 anos e prolongáronse durante catro, ata que a nai da pequena descubriu o que pasada e denunciou a seu sogro.
A Fiscalía pedía inicialmente para el unha pena de 12 anos de cárcere por un delito continuado de agresión sexual a unha menor. O home pasou varios meses en prisión preventiva e xa pagara 10.000 euros da indemnización á súa neta antes da celebración do xuízo.
