Absolto un veciño de Chantada que fora condenado por acoitelamento á súa exparella e á nai desta

A Audiencia Provincial de Lugo absolve un veciño de Chantada que fora condenado a seis anos de prisión por acoitelar a súa exparella e a nai dela.

O xulgado do penal condenárao por dous delitos de lesión, pero agora a Audiencia revoga a sentenza, ao atopar contradicións nas declaracións das presuntas vítimas.

O incidente ocorreu en agosto do 2020, á saída dun bar. Nai e filla denunciaran que o suposto agresor tirara a súa exparella ao chan e que a agredira cun obxecto punzante. Segundo esta versión, a nai involucrouse na lea co obxectivo de defender a súa filla e quedou ferida.

Pola contra, o home, que chegou a pasar cinco meses no cárcere, sempre mantivo que fora el a vítima da agresión.