Os ocupas do edificio que ardeu en Vigo din que pagaban alugueiro ou que estaban de visita
No incendio morreron catro persoas: unha nai e tres dos seus fillos
Comeza en Vigo o xuízo a 25 persoas acusadas de viviren ilegalmente no edificio que ardera hai ano e medio, nun incendio en que morreran unha nai e tres dos seus fillos.
Quince acusados estiveron este martes na sala. Algúns manteñen que non vivían no inmoble no momento do incendio, que só estaban de visita. Outros din que tiñan un contrato verbal de alugueiro e que pagaban cada mes uns 200 euros.
Foron 24 as persoas identificadas pola policía que agora responden por un delito leve de usurpación, por ocupar esas vivendas despois da denuncia da propiedade.
O incendio do inmoble, na rúa Afonso X o Sabio, foi en outubro de 2023. Faleceron catro persoas: unha muller e tres fillos seus. O pai, que tamén está acusado, e outro cativo sobreviviron.
O procedemento sobre as causas do incendio arquivárase porque a conclusión foi que a orixe do lume fora fortuíta. Agora apuntaban a outras posibles responsabilidades.
Ás portas dos xulgados houbo un acto para lembrar os falecidos no incendio. Membros do colectivo Os Ninguéns gardaron un minuto de silencio e leron un comunicado para demandar unha vivenda digna que evite casos como o desta ocupación.
