Aparece preto da Torre de Hércules o corpo do home desaparecido na Coruña

Os servizos de emerxencias recuperaron un corpo que apareceu aboiando nas augas próximas á Torre de Hércules, na Coruña.

O 112 Galicia tivo coñecemento do achado ás 08:50 horas, tras recibir o aviso da Sala de Gardacostas. Segundo informaron, a embarcación Mar de Galicia, pertencente ao servizo, localizou o cadáver nas inmediacións do emblemático faro.

Desde o Centro Integrado de Atención ás Emerxencias, notificouse a situación a Salvamento Marítimo, ao Grupo Acuático dos Bombeiros da Coruña e aos axentes da Policía Nacional e Local, que se desprazaron á zona para colaborar nas tarefas de rescate.

A Consellería do Mar confirmou este xoves que o corpo que apareceu flotando no mar preto da Torre de Hércules da Coruña, en cuxa recuperación traballaron os servizos de emerxencias, é o do home desaparecido o pasado 23 de marzo nesa mesma zona. Este departamento da Xunta informou de que se trata do home que o domingo, 23 de marzo -cando estaba activada unha alerta por temporal-, foi arrastrado por unha onda no momento en que trataba de facer unha foto na zona da Torre de Hércules.

A embarcación Mar de Galicia localizou o cadáver nas inmediacións do faro romano, a 700 metros de punta Herminia. Notificouse a situación a Salvamento Marítimo, o Grupo Acuático dos Bombeiros e aos axentes da Policía Nacional e Local, que se desprazaron á zona para colaborar nas tarefas de rescate.