Retómase a busca do home desaparecido hai dez días na contorna da Torre de Hércules
O avistamento dun corpo na zona do Portiño fixo que se intensificaran os traballos
A procura dun home desaparecido nas inmediacións da Torre de Hércules vaise retomar ao longo deste mércores despois de que un alertante avistara un corpo na zona do Portiño. O alertante deu aviso á Policía Nacional .
Ante iso, na xornada do martes Salvamento Marítimo e o Helimer desprazáronse ata a zona dos cantís, preto do Monte de San Pedro para tratar de dar con el.
A subdelegada do Goberno na Coruña, María Rivas, indicou que o helicóptero volverá facer "algunhas pasadas" e a Policía Nacional despregará os seus medios, así como os mergulladores da Policía adscrita co obxectivo, dixo, de "montar un pequeno dispositivo para comprobar que efectivamente aparece ese corpo".
A busca aínda non permitiu dar co desaparecido e prevese que na mañá deste mércores o Helimer retome os labores de pescuda.
As autoridades cren que pode tratarse do turista alemán que caeu ao mar cando facía unha foto o pasado 23 de marzo.
