Unha persoa falecida e varias feridas tras un tiroteo nun centro comercial de Texas

Unha persoa falecida e polo menos tres feridas tras un tiroteo no centro comercial Cielo Vista de Texas, preto da cidade de El Paso.

Hai unha persoa detida e estase a facer un rexistro exhaustivo de toda a zona, polo que a policía mantén aberto o suceso.

O centro comercial atópase xunto ao Walmart onde un tiroteo masivo en 2019 custou a vida a 23 persoas e deixou case dúas ducias de feridos. O presidente dos EUA Joe Biden instou os lexisladores a aprobaren leis que prohiban as armas de asalto nos Estados Unidos.

No que vai de 2023, perpetráronse máis de 70 tiroteos masivos nos Estados Unidos, segundo Gun Violence Arquive. A organización define un “tiroteo masivo” como un tiroteo que fere ou mata catro ou máis persoas, sen incluír o atacante.