Xunqueira de Ambía loce o seu órgano en Semana Santa
O organista da colexiata é un mozo de 20 anos que xa está adestrando o seu irmán pequeno para que lle dea o relevo
Soa o órgano da impoñente colexiata de Xunqueira de Ambía, un dos máis antigos e mellor conservados de Galicia.
"É un privilexio porque non é algo accesible a todo o mundo", asegura Hugo Pérez, organista de Xunqueira de Ambía.
Con vinte anos, Hugo leva 4 como organista da colexiata e agora adestra o seu irmán pequeno para que lle dea o relevo na súa ausencia.
"Empezou a vir comigo e fómonos repartindo as partes da misa. Empezou cun pouco de medo pero agora xa o fai estupendamente", explica.
Partituras dixitais para un órgano do século XVIII, concibido para acompañar os actos litúrxicos.
Luis Javier González, párroco da colexiata de Xunqueira de Ambía: "Non fai soar o órgano, faino cantar, faino bailar... é impresionante. Parece que cando el toca, estremécense as columnas".
Nos próximos días poderemos escoitalo en todos os actos litúrxicos da Semana Santa de Xunqueira de Ambía.
