Yeremay queda no Deportivo malia as ofertas de grandes equipos europeos
Yeremay queda no Deportivo malia as ofertas de grandes equipos europeos
O comunicado de Deportivo destaca este xesto que "reforza o compromiso mutuo co proxecto do club a longo prazo"
O Dépor mellora o contrato de Yeremay e blíndao cun aumento da súa cláusula
O Dépor mellora o contrato de Yeremay e blíndao cun aumento da súa cláusula. Equipo e xogador chegaron este xoves a un acordo para a mellora económica do contrato do atacante, que expira o 30 de xuño de 2030.
Tan só un día despois da despedida do capitán branquiazul Lucas Pérez, o Dépor anunciou a continuidade do extremo canario, unha das sensacións de LaLiga Hypermotion, “a pesar de todas as ofertas recibidas polo futbolista canario durante o actual mercado de fichaxes”.
“Este é un xesto que reforza o compromiso mutuo co proxecto do club a longo prazo. O RC Deportivo celebra a decisión de Yeremay de continuar escribindo a súa historia no Club, e agradécelle a súa confianza nun proxecto que segue crecendo”, sinala no seu comunicado a entidade galega.
A dirección deportiva que lidera Fernando Soriano considera a Yeremay “un piar fundamental” na construción do futuro do Dépor. No que vai de tempada, o futbolista canario disputou 19 partidos, nos que marcou oito goles e repartiu tres asistencias
➡️ Yeremay reafirma o seu compromiso co proxecto do RC Deportivo.
— RC Deportivo (@RCDeportivo) January 23, 2025
ℹ️ https://t.co/tb4eCEn5Oy pic.twitter.com/2oH8qtVbQx
