Zverev amarga a estrea de Alcaraz nas Finais ATP

O alemán Alexander Zverev amargou a estrea do español Carlos Alcaraz nas Finais ATP, ao impoñerse en tres sets, por 6-7 (3), 6-3 e 6-4, tras máis de dúas horas e media de batalla no Pala Alpitour de Turín, onde se xoga o prestixioso torneo que reúne as mellores oito raquetas do circuíto.

Unha batalla a peito aberto entre dous dos tenistas máis en forma do circuíto abriu o Grupo Vermello da Copa de Mestres. Un intercambio constante de golpes, de dominio alternado que desembocou nun exercicio de resistencia ante o martelo de Zverev por parte do murciano no terceiro set, que non puido frear o potente xogo de Sascha, desatado no saque -con 16 directos- e preciso desde o fondo de pista para levar unha merecida vitoria.

Este resultado obriga o español, aínda minguado fisicamente, a gañar os dous seguintes partidos se quere estar en semifinais