Dae Grant, chegar e encher como novo base do Breogán

Esta fin de semana si temos Liga ACB e o Río Breogán viaxa o sábado á pista do Unicaja Málaga. Alí xogará o seu segundo partido co Breogán Dae Grant. O novo base do equipo lugués foi a gran sensación do Breo no último partido do Pazo.

Todos quedaron sorprendidos co seu alto rendemento. Apenas cun adestramento, sen coñecer o equipo, Grant asinou 18 puntos, tres rebotes e unha asistencia. A súa achega foi clave para derrotar a Xirona. Chegou para reemprazar a Charlie Moore e, de momento, as sensacións non poden ser mellores.