Ana Cabaleiro: "Non escribín un libro de viaxes, pero si que reflexiono sobre o turismo e os xeitos de viaxar"
Ana Cabaleiro: "Non escribín un libro de viaxes, pero si que reflexiono sobre o turismo e os xeitos de viaxar"
Xa vemos palmeiras é o cuarto libro de Ana Cabaleiro
A autora conta unha vivencia real na fin de ano de 2006 no deserto do Sáhara marroquí
O libro foi escrito case na totalidade en 2022 en Xerusalén coa estancia do premio Exeria
En 2006 cando sacabamos moitas menos fotos porque case non usabamos para iso o móbil, acababa de abrir Facebook e poucos o tiñan, e nos falabamos por sms ou por mail, a escritora Ana Cabaleiro fixo realidade un soño contratando unha viaxe cunha axencia singular para pasar a fin de ano no deserto de Mergouza no Sáhara marroquí con case 20 descoñecidos.
Entre a vulgaridade do turismo, a descuberta dunha cultura distinta, o feitizo da literatura de viaxes e os propios protagonistas do grupo nace Xa vemos palmeiras, un libro diferente, o cuarto asinado por Ana Cabaleiro.
