Rueda compromete unha nova lei de Igualdade

En Galicia, o presidente da Xunta rodeouse de mulleres de distintas xeracións para conmemorar este 8M. Tres xeracións de panadeiras de Carballo lembraon á bisavoa desaparecida xa como unha avanzada ao seu tempo. 

"A ela non a manexaban os homes. A miña avoa tiña moito carácter para iso, di Encarna Alonso, neta da fundadora da saga de panadeiras.

Aos 90 anos, Élida lembra os consellos de súa nai para facer pan de calidade e traballar.

"Quitei esterco, fun ao monte, á herba para as vacas. Ir e amasar e peneirar á man. Agora non é nada, agora hai de todo", recorda Élida Mesejo, filla da panadeira.

Despois foi a quenda para as artesás Manoli, Carme e Alma de Ribadumia que contaron a súa historia de esforzo para saír adiante nun mundo de homes. 

Ángeles, Marian e María Mouriño, viven en familia os avatares do Celta de Vigo. A dona do presidente que, odia o fútbol, explicou porque casou tan nova.

"Eu casei aos 19 anos porque máis valía casar que estar naquela prisión. Eu ás 8 da tarde tiña que estar na casa", conta a muller do presidente do Celta de Vigo.

O presidente Rueda pechou o acto Avanza con Elas anunciando a próxima remisión ao Parlamento do proxecto de lei de Igualdade de Galicia.

"Estamos a piques de facer unha lei de Igualdade que intentará facer o que se poder facer desde a Administración que é romper teitos de cristal, perseguir as discriminacións no traballo, na vida diaria ou fomentar desde pequenos os valores en igualdade. Isto hai que fixalo por lei para poder facer as cousas ben", asegura Alfonso Rueda, presidente da Xunta.