Nova Galega de Danza celebra vinte anos con 'Berro", unha viaxe de recuperación da memoria

A compañía Nova Galega de Danza fai vinte anos reinterpretando e innovando o baile tradicional. Para celebralo estrea novo espectáculo. Chámase Berro e conta coa dirección artística do recoñecido coreógrafo israelí Sharon Fridman. O próximo 28 de outubro van estar en Ourense. 

Berro quere ser unha viaxe de recuperación da memoria colectiva a través da expresión do corpo. Pero tamén é un berro de orgullo por manter unha compañía privada de danza 20 anos en pé, un caso excepcional en Galicia e dos poucos que hai en España.