Grande Amore: "Non podemos seguir sendo xuvenís e desenfadados, xa non toca ir para o puretismo"
En III, publicado por Ernie Records. Nuno Pico. Clara Redondo e María Grep capturan a distorsión dos seus directos
No disco conseguen son sucio, unha masa compacta de batería, voces, sintetizadores e guitarras que se achegan ao puro ruído
Próximos concertos en Galicia: 14 e 15 de marzo no Torgal Ourense, 15 na Sala Jagger de Lugo, 1 e 2 de maio na Mardi Gras, A Coruña
Un disco que podería resumirse na palabra 'ruído', un disco no que se entra, pero nunca se sae, un pago a perpetuidade. Falamos de III, o terceiro disco de Grande Amore que acaba de publicarse e que ademais se presenta nunha longa xira que arranca mañá en Ourense. Así que antes de que marche de aventura, convidamos a Nuno Pico para que nos fale deste disco, que soa coma o seus directos.
