Rubén Santiago: "Fixemos un 'mapeo' de asociacións e artistas, somos un arquipélago común, non illas"

A Trienal de arte mostra en Sarria o traballo de catro artistas e do colectivo Unha Gran Burla Negra. Trátase dunha tentativa de conectar ese arquipélago interior de Galicia, formado por iniciativas culturais, asociativas ou sociais.

Na Sede, unha vella instalación industrial, vídeos, esculturas, fotografías e instalacións mostran aos veciños esta primeira fase dunha programación que quere estenderse ata o ano 2026.