Alarma polo incendio nun hotel do centro de Tui

As lapas alarmaban os veciños que residen na contorna deste hotel no centro de Tui. A mala combustión da caldeira pola acumulación de feluxe provocaba un virulento incendio no último andar. 

O incendio complicouse, polo que os hóspedes do hotel e varios veciños da zona tiveron que ser desaloxados. Algúns saíron pola súa propia vontade ao ver que o fume entraba nas súas casas. 

Os veciños din que non é a primeira vez que se produce un incendio no hotel a causa dos problemas da caldeira. Piden unha solución con urxencia, porque temen que poida ocorrer unha desgraza. 

Mentres, dende o hotel non quixeron facer declaracións sobre este suceso, no que afortunadamente non se rexistraron danos persoais.