Ruth Varela: "A Casa da Cotona, dos arquitectos Salgado e Liñares, é un exercicio de sinceridade"
Para aproveitar a luz natural as zonas comúns están no andar superior, proxectándose ao exterior na pequena eira que noutrora exerceu de galiñeiro
Os muros de pedra fixéronse empregando pedra de derrubas, aparellada con un morteiro de barro procedente dunha antiga barreira do lugar
A madeira provén de edificación derrubadas e dos montes do lugar mecanizada en pequenas industrias locais
Ruth Varela achéganos hoxe a rehabilitación da Casa da Cotona en Porto do Son, obra dos arquitectos Alfonso Salgado e Francisco Liñares. É unha casa ben peculiar: nos anos corenta María da Cotona finaba na mellor casa da aldea. Vivía soa logo de enviuvar e non deixaba descendentes. Ese foi o inicio dun proceso de deterioración e desvirtuamento tanto da vivenda como das construcións auxiliares e do lugar en xeral.
Os arquitectos que a restauraron son conscientes de que o uso dos espazos mudan e a resposta ás novas necesidades comezan a darse unicamente dende a funcionalidade, pois a consideración de vivenda xa se fora perdendo. O obxectivo foi espir o lugar do innecesario para revelar a verdadeira identidade e a escala que tiña de seu.
