500 artistas en 40 eventos: os concertos do Xacobeo en 2025
A listaxe non está aínda pechada, pero toda a información dispoñible está xa desde este mércores na web concertosdoxacobeo.gal.
Pasarán por Galicia artistas como Lenny Kravitz, pero tamén Alanis Morissette, León Benavente ou Coque Malla, no seu 40 aniversario, e haberá moita representación de músicos galegos, cos que andan a preparar un gran cartel en Madrid. Por aquí pasarán 500 artistas, en 40 eventos e 13 localidades.
"Van facer de Galicia ese gran destino de eventos musicais. Desde 2022 ata o 2024 foron máis de 2,5 millóns de espectadores", declarou Xosé Manuel Merelles, o Director de Turismo de Galicia
O Son do Camiño, o Gozo Festival, o Atlantic Fest, o Resurrection ou o PortAmerica, e restos de actos patrocinados por Turismo, son tamén lugares para a igualdade e contra a violencia, a discriminación e o machismo.
"Esas áreas de igualdade, puntos Lila e Arcoiris nos festivais de música. Por alí pasaron máis de 15.000 persoas", dixo María Quintiana, a Directora xeral de Promoción de Igualdade
E os organizadores veno como unha oportunidade para achegar os valores da tolerancia á mocidade. Este 2025 aspiran a que Galicia volva ser un dos máis destacados destinos de festivais, e subliñan a importancia que estes eventos teñen tamén para a creación e desenvolvemento de industrais culturais no noso país.
