Cupeiro enche dúas veces a igrexa de San Francisco, en Viveiro
En maio estará de xira por Galicia presentando Loira, o seu cuarto disco, un traballo que conta "pequenas historias"
Abraham Cupeiro, músico, luthier e compositor, ofreceu este sábado á tarde dous concertos na igrexa de San Francisco, en Viveiro, dentro da programación cultural Adral proposta pola Xunta de Confrarías da Semana Santa. O sarriao estivo acompañado por Sabela Caamaño no acordeón, Cibrán Seixo no violín, Antonio Romero no contrabaixo e na voz Davide Salvado.
Os músicos encheron a igrexa nos dous concertos que ofreceron e neles púidose escoitar a Cupeiro tocar instrumentos milenarios, algúns deles recuperados polo artista, un home que, entre os seus moitos traballos, tamén colaborou coa composición da música da segunda entrega da película Gladiator.
.png)
