Máis de 70 proxectos eólicos contan coa declaración ambiental da Xunta
Máis de 70 proxectos eólicos contan coa declaración ambiental da Xunta
Capital Energy e Greenalia, con catorce parques cada unha, son as empresas que pasan á seguinte fase con máis iniciativas
A conselleira de Medio Ambiente di que "Galicia cumpre coa estratexia dunha transición enerxética xusta boa para todos"
As enerxías renovables desempeñarán un papel fundamental no futuro industrial galego, e o eólico seguirá sendo un sector troncal.
Esta semana foi chave porque o Ministerio fixara no 25 de xaneiro a data límite para que as comunidades autónomas emitisen declaracións de impacto ambiental.
A Xunta tramitou 140 proxectos eólicos que sumaban máis de 4.000 megawatts. Resolvéronse 120 e foron 77 os que obtiveron o visto e prace cunha declaración favorable.
Greenalida e Capital Energy, con 14 proxectos cada unha, son as que máis proxectos pasan para a seguinte fase. A conselleira de Medio Ambiente destacaba este sábado que Galicia cumpre nesa transición cos obxectivos fixados.
"Autorizáronse máis de dous mil megawatts. Desestimáronse máis de mil, é dicir, estamos nun 66 % favorable e un 33 % desfavorable. Cumprimos a estratexia marcada, para dar ese paso dunha transición enerxética que ten que ser xusta e boa para todos", di Ángeles Vázquez.
