Os nutricionistas salientan a importancia da alimentación no tratamento do párkinson
Os nutricionistas salientan a importancia da alimentación no tratamento do párkinson
Aseguran que é preciso consumir as proteínas de xeito axeitado para que a medicación sexa todo o efectiva que debe
Estímase que o párkinson afecta un 2 % da poboación, é unha doenza da que os síntomas máis recoñecibles son os tremores, a rixidez ou a perda de equilibrio.
Para unha mellor evolución da enfermidade é aconsellable seguir unha pautas de alimentación axeitadas, algo do que se falou esta fin de semana en Lugo.
O vello cárcere acolleu un relatorio no que se puxo de manifesto a importancia da alimentación e do exercicio na evolución da doenza.
Laura Campello, especialista en nutrición, asegurou que o consumo axeitado de proteínas é fundamental para que a medicación actúe de xeito efectivo.
Segundo o vicepresidente da Asociación de Párkinson Lucense, Eduardo Fernández, o papel das organizacións de doentes e familiares é básico para chegar onde non chega a sanidade pública, con servizos de logopedia, fisioterapia, obradoiros ou ximnasia de mantemento.
