A campaña 2024/25 comezou oficialmente para o Rácing con seis novas incorporacións

A campaña 2024/25 comezou oficialmente para o Rácing Club Ferrol. Esta mañá deuse o tiro de saída á pretemporada cos controis médicos e biométricos aos que se someteron os integrantes do persoal que xa vestiron a elástica verde a pasada campaña.

As probas realizáronse no Hospital Ribeira Juan Cardona e no campo da Malata baixo a supervisión dos servizos médicos do club e o corpo técnico, que se reencontrou con Emilio Bernad, David Castro, Julián Delmás, Moi Delgado, Josep Señé, Fran Manzanara, Nacho Sánchez, Brais Martínez e Álvaro Giménez.

Mañá, en idéntico escenario, será a quenda das novas incorporacións: Jesús Ruiz, Yoel Rodríguez, Chiki, Álvaro Sanz, Aleksa Puric e Aitor Buñuel, que vivirán as súas primeiras horas como racinguistas.

A todos eles sumaráselles o xuvenil David Carballo, que realizará a pretemporada co equipo. Tanto uns como outros se reencontrarán o luns, ás 10.30 horas, no campo da Gándara, para a primeira sesión de adestramento desta campaña.