Raúl Blanco chega cedido o Rácing ata final de temporada

Raúl Blanco Juncal reforza o Rácing para a segunda volta do campionato ligueiro. O xogador, formado nas categorías de base do Celta, chega en calidade de cedido polo Casa Pía da primeira división portuguesa.

Raúl Blanco é un xogador técnico, hábil co balón nos pés e con facilitada para encarar a meta rival. Aínda que a súa posición natural é a de mediapunta, pode actuar con soltura en calquera das dúas bandas como extremo.

Ata que o pasado verán fichou polo Casa Pía, o futbolista desenvolvera toda a súa vida deportiva no Real Club Celta cunha breve cesión dunha campaña no Arenteiro. A súa evolución desde entón foi ascendente e, de feito, foi unha das grandes referencias da Celta Fortuna nas dúas últimas campañas.

Na última foi dos xogadores fixos nos esquemas do cadro olívico, acumulando 2.176 minutos. Os once goles que anotou esa campaña son un fiel reflexo do seu bo "olfacto" para a meta rival.