A CEOE ve posible pactar a reforma laboral malia o desarcordo nas pensións

O presidente da CEOE, Antonio Garamendi, asegurou que é posible pactar con Goberno e sindicatos nalgunhas negociacións a pesar de non chegar a un consenso noutras, e resaltou que debaterán sobre a reforma laboral con "espírito de acordo".

"A negociación está aberta, e cada mesa é unha mesa independente. Por tanto, é independente que nunhas mesas digamos que si e podamos ter un acordo e que noutras digamos que non (...) Imos darlle marxe e espazo, temos un mes por diante", sinalou este venres en declaracións aos xornalistas.

Durante a súa asistencia a un acto organizado por Hostalaría de España, o presidente da patronal incidiu en que a formulación defendida polo Goberno en materia de pensións "ten moi pouco que ver" co que está en discusión á hora de debater a reforma do mercado de traballo.

Garamendi lembrou que hoxe mesmo, patronais e sindicatos están sentados na mesa de diálogo para negociar a reforma laboral.