Ourense bate o récord de máximas de agosto: 42,6º nunha xornada tórrida en Galicia
Ourense bate o récord de máximas de agosto: 42,6º nunha xornada tórrida en Galicia
Galicia viviu o día máis abafante de agosto
As temperaturas máximas descenderán algo mañá, salvo na Mariña, onde van subir
Na cidade de Ourense agardaban unha xornada de moita calor pero o vivido este sábado superou as previsións. A media tarde chegaban os 42, 6 graos. Trátase dunha temperatura de récord en agosto, poucas veces acadada na cidade das Burgas.
En Leiro, Laza e Larouco chegaron aos 41. Foron as temperaturas máis altas dunha xornada abafante en toda Galicia, na que os termómetros superaron os 30 graos en case todo o territorio.
O peor día desta vaga de calor remata coa previsión dun alivio térmico nas próximas horas. Con todo, mantense o aviso amarelo nalgunhas zonas a provincia de Ourense.
Na comarca de Valdeorras, os concellos do sur da provincia e os da conca do Miño poderán superar os 36 graos.
O domingo as temperaturas mínimas non terán cambios e as máximas descenden en todo o territorio, agás na Mariña, onde mesmo ascenderán. O remate da fin de semana deixará chuvascos treboentos.
