Medio Rural considera fundamental a colaboración cidadá contra o lume

Son máis de 30.000 hectáreas queimadas en Galicia no último mes. Aos lumes de Valdeorras, O Courel, Oímbra ou Vilariño de Conso uníronse esta mesma semana o de Verín e o da serra de Barbanza. Ademais dos fenómenos meteorolóxicos, desde a Consellería do Medio Rural insisten na colaboración cidadá para localizar posibles sospeitosos.

A limpeza da maleza, seca neste tempo, en moitas áreas de Galicia, é clave para evitar o lume. Desde a Consellería aseguran que o ano pasado se comprobaron as franxas de 860.000 parcelas dos 2 millóns que se calcula que hai en Galicia.