A Coruña, a cidade galega que maior número de pedidos a domicilio rexistra de tortilla de pataca

É un dos pratos estrela da gastronomía española e en Galicia gusta sobre todo pouco feita. É o chamado estilo de Betanzos, unha das tortillas de pataca de máis sona. Da cociña deste bar da Coruña saen cada día 120 unidades de ata 15 variedades diferentes.

Boa parte das tortillas enteiras que elaboran teñen como destino o consumo a domicilio.

"De 46.000 tortillas que fixemos o ano pasado unhas 10.000 van a domicilio", di Laura Mirella, xerenta do Picnic Bar.

O seu socio Diego Viñán apunta que "traballamos con aceite de oliva, é dicir, se atopas iso sen ter que facelo pois eu creo que é unha das claves, non".

Unha plataforma de repartimento de comida a domicilio sitúa a A Coruña como a cidade galega que maior número de pedidos de tortilla a domicilio rexistra. Unha modalidade de consumo cada vez máis estendida entre o público máis novo, pero que non é exclusivo da mocidade.

Hai a quen incluso a tortilla de pataca lle sabe mellor sempre e cando non teña que facela, sexa na casa ou fóra dela.