A Cultural rompe a boa serie de resultados do Arenteiro (1-0)

O Arenteiro chegaba ao Reino de León despois de sumar tres xornadas sen perder (unha vitoria e dous empates) e saír dos postos de descenso. Pero o equipo de Javi Rey non puido manter a boa xeira e perdeu por 1-0. 

Un solitario gol de Dorian no treito final da primeira parte decidiu o partido. A Cultural foi a que tivo mellores ocasións na primeira parte pero atopouse cun Diego moi inspirado. De feito, o gol chega despois de tres lanzamentos á portería. 

Na segunda parte viuse unha versión máis ofensiva do equipo do Carballiño. Manín e Iván Ramos tiveron nas súas botas a posibilidade do empate. Ben é certo que á contra a Cultural tamén puido marcar o segundo.