A defensa do mozo que iniciou a agresión a Samuel Luiz recurre á condena de asesinato
Fíxoo en base aos mesmos argumentos de que o seu cliente non tiña intención de matar e rexeitando que a orientación sexual do falecido influíse
Diego Montaña/M. Dylan/EuropaPress
A defensa de Diego Montaña, o mozo que iniciou a agresión mortal a Samuel Luiz en xullo de 2021 sumouse aos recursos anunicados xa no seu día por os letrados dos outros tres mozozs condeados por os mesmos feitos.
Así o ratificou o letrado Luis Manuel Salgado despois de que, tras o fallo condenatorio, asegurase que estudiaría a posibilidade dun recurso ante o Tribunal Superior de Xustiza de Galicia, que finalmente xa se formalizou.
Fíxoo en base aos mesmos argumentos que esgrimiu no xuízo, entre eles que o seu cliente non tiña intención de matar ou rexeitando que a orientación sexual do falecido influíse, algo que si considerou probado o Tribunal do Xurado. Desta forma, súmase aos recursos xa anunciados dos letrados de Alejandro Freire, condenado a 20 anos de cárcere; Kaio Amaral, ao que se lle impuxo 20 anos e medio, e a de Alejandro Míguez, ao que se lle condenou a 10 anos como cómplice de asasinato.
Diego Montaña, ao concorrer a circunstancia agravante de discriminación por motivos de orientación sexual, a maxistrada presidenta impúxolle 24 anos de cárcere, pena moi próxima ao máximo legal 25 anos, que non lle aplicou porque o xurado non apreciou a agravante de ensañamiento.
Pola súa banda, a Alejandro Freire condenouno a 20 anos de cárcere. No fallo explicou que a non concorrencia de circunstancias agravantes nin atenuantes determina a imposición da pena na súa metade inferior, o que abarca un arco punitivo que vai de 15 a 20 anos de prisión, do mesmo xeito que no caso de Kaio Amaral.
A este impúxolle un total de 20 anos e medio, 17 anos polo asasinato e tres anos e medio polo roubo con violencia, pois indicou que a súa intervención no asasinato "non alcanza a entidade" da de Diego Montaña e Alejandro Freire.
A Alejandro Míguez condenouno a 10 anos de cárcere xa que, ao tratarse dun cómplice de asasinato, sinalou que procedía impoñer a pena inferior en grao que, neste caso, abarca un arco punitivo de 7 anos e medio a 15 anos de prisión.
.png)
