A estrea de Gilsanz centra as olladas no partido de Cartaxena
A estrea de Gilsanz centra as olladas no partido de Cartaxena
O adestrador do Fabril sabe da súa situación como interino, pero debe afrontar un partido moi importante para saír da queima do descenso
O Deportivo marchou este venres para Cartaxena. Será a estrea no banco de Óscar Gilsanz que vai cargado de confianza no equipo e co rival moi analizado. Despois do balbordo desta semana coa destitución de Idiakez logo da derrota contra o Rácing de Santander, do cásting de adestradores con Gilsanz ocupando o banco de xeito momentáneo mentres a dirección deportiva non asina un novo técnico.
No medio desa situación o equipo afronta un partido fundamental diante dun dos dous equipos que ten por debaixo na clasificación. Xoga no campo do Cartaxena coa obriga de sacar algo positivo. Unha derrota deixaría en moi mal lugar ao equipo, afundido nos postos de descenso. Gilsanz confía no traballo realizado ao longo da semana e en que os xogadores sacarán o mellor deles para tentar mudar a situación.
