A infanta Sofía asiste ao seu primeiro acto oficial en solitario

A infanta Sofía entregou este venres os premios do concurso de fotografía convocado por Patrimonio Nacional que levan o seu nome. Con 17 anos, trátase do seu primeiro acto institucional en solitario.

A presidenta de Patrimonio Nacional, Ana de la Cueva, quixo agradecerlle á infanta o apoio a estes galardóns que se convocan en tres categorías diferentes. Nesta primeira edición, os galardoados foron Antonio Farto Casado en Palacios e mosteiros; Emilie Payn en Espazos naturais; e Teresa Dorado Jiménez na modalidade de Obras de arte.

En palabras de De la Cuvea, este certamen trata de dar "un pequeno estímulo" para que tdos os cidadáns axuden a difundir o patrimonio "que é de todos". Despois da entrega dos galardóns, a infanta visitou a exposición coas fotografías premiadas.