A Liga traballa para a disolución da Fronte Atlética

O presidente da Liga, Javier Tebas, asegurou que traballa para que se disolva xudicialmente a Fronte Atlética e evitou xulgar o que faga o Atlético de Madrid ao respecto, mentres reclamou máis competencias sancionadoras para o seu organismo e medidas para identificar aos violentos como poden ser os tornos biométricos. 

"Non vou falar de si a sanción ao Atlético é dabondo. O que vou dicir é que nós estamos traballando para que se disolva xudicialmente a Fronte Atlética. Que haxa sempre seareiros nesa bancada pero que non exista como organización" asegurou Tebas. 

O presidente da Liga señalou que "xa levan un historial de actos polo que merecen a disolución. Non se pode dicir cantos son os verdadeiramente conflitivos pero no entorno hai moita xente que co silencio ou ríndose das actuacións que fan son cómplices", dixo.