A maquinaria ofensiva do Barcelona acaba cun gran Cangas (45-38)
A maquinaria ofensiva do Barcelona acaba cun gran Cangas (45-38)
O equipo galego xogou a bo nivel e ao descanso só perdía por dous goles
O Cangas Frigórificos do Morrazo perdeu na pista do poderoso Barcelona nun partido de marcado carácter ofensivo (45-38). Ningún dos conxuntos especulou e, con este ritmo anotador é moi complicado facerlle fronte a un dos mellores equipos do mundo.
O Cangas conseguiuno durante o primeiro tempo. Ao descanso chegouse con vitoria catalana por só dous goles (19-17). O Barça pegou o tirón nos primeiros dez minutos da reanudación (29-22) e foi aumentando a vantaxe ata acadar nove goles de vantaxe. Ao final a diferenza foi de sete (45-38).
No Barcelona os goleadores estiveron moi repartidos con Dika Mem con 6 goles como máximo realizador. No Cangas destacou a achega ofensiva de Rubén Río (7 tantos).
