Jorge Pérez ponlle o cadeado á portería do Cangas

Adoita estar na listaxe das mellores paradas de cada xornada. Un corpo elástico, espectacular. Se hai que deter un contragolpe, por aí aparece. E un dos seus puntos fortes son eses penaltis de sete metros. A serie é enorme. Líder de paradas da Liga cunha media de 13 por partido.

O rival este sábado é o Ademar León, clásico das competicións europeas, e para que o Frigoríficos do Morrazo volva derrotalo como hai sete meses será clave que brille este porteiro de 24 anos e estudante de dereito.