A nova Estratexia de seguridade e saúde laboral de Galicia reflicte as novas formas de traballo

A conselleira de Promoción do Emprego e Igualdade participou no acto de presentación deste documento, que ten como horizonte o ano 2027. A Xunta deseñou cos axentes sociais o documento, que reflexa os riscos derivados dos novos modelos laborais, como o teletraballo. 

"Para min é importante ir da man e traballar na prevención. Polo tanto esta estratexia, non só da Consellería, senón con toda a Xunta, implica máis de 55 millóns de euros para poñer todas estas medidas en marcha", explicou Elena Rivo.