A proposta dun fondo para danos ecolóxicos tenta salvar o Cumio do Clima
A proposta dun fondo para danos ecolóxicos tenta salvar o Cumio do Clima
A UE ameazou con abandonar as negociacións e prefire que non haxa acordo final se non é minimamente ambicioso
Segundo explica a vicepresidenta terceira do Goberno, o límite é que a temperatura non medre por riba dos 1,5 graos
Sobre un fino fío de arame estivo movéndose o Cumio do Clima de Exipto este sábado. A Unión Europea comezaba advertindo: é mellor que non haxa acordo a un mal acordo.
Como pano de fondo, o escaso compromiso e o escapismo por parte dalgúns dos países máis contaminantes que queren fuxir dun límite de quecemento.
"A primeira medida para poder responder ás perdas e os danos máis dramáticos dos países é asegurar que segue sendo posible que a temperatura non medre por enriba de 1,5 graos", sinalaba Teresa Ribera, ministra para a Transición Ecolóxica.
A vicepresidenta Ribera facíase eco da posición firme da Unión Europea.
"Se as decisións que se propoñen nesta conferencia son frear eses incrementos de ambición, Europa non vai participar".
Avanzada a tarde tentaba canalizarse a negociación cunha proposta para paliar os danos económicos nas áreas máis vulnerables do Terceiro Mundo ás catástrofes climáticas.
Pídeselles aos países que se desenvolveron nas últimas décadas que arrimen o ombreiro, pero as reticencias da China e das nacións do Golfo son evidentes.
A China, o Estado máis contaminante do mundo con diferenza, segue a constituír un dos atrancos principais deste cumio.
.png)
.png)