A selección de balonmán cae eliminada con pleno de derrotas
A selección de balonmán cae eliminada con pleno de derrotas
Francia demostrou por que é a líder do grupo e foi demasiado para as guerreiras (24-32)
Alicia Fernández xogou e achegou con tres puntos en cinco lanzamentos
Alicia Fernández, nun lance do partido contra Francia. EFE
Final amargo para a selección feminina de balonmán. Dor e tristura na cara das españolas ao rematar o derradeiro partido dos Xogos Olímpicos de París. Francia foi o último rival, e non tivo piedade coas pechacancelas do grupo. O resultado (24-32) reflicte a superioridade gala.
Caeron con honra as españolas, que loitaron ata o final, aínda sabendo que as francesas chegaban líderes e querían demostrar a súa calidade e o seu dominio sobre o parqué. Foi da partida Alicia Fernández. A galega marcou tres goles en cinco tiros á portaría e tivo bos momentos en pista.
Con este partido, á selección española remata a súa participación nestes Xogos Olímpicos con pleno de derrotas. Un dato duro para un conxunto que o intentou en cada partido, e que pelexou para meterse na loita por pasar á fase final. Non puido ser nesta ocasión.
