A taxa de abandono escolar está por baixo do 9 % en Galicia
A taxa de abandono escolar está por baixo do 9 % en Galicia
A comunidade anticípase sete anos aos obxectivos fixados pola UE para 2030
Algo máis do 13 % da mocidade española de entre 18 e 24 anos non rematou o ensino obrigatorio ou deixou de estudar tras finalizar a ESO. En Galicia, a taxa de abandono é do 8,8 % case cinco puntos inferior.
"Todo isto é posible porque hai unha grandísima implicación do profesorado para poder levar a cabo políticas que van orientades na boa dirección para lograr un ensino de calidade, de equidade e que xere igualdade de oportunidades", asegura o conselleiro de Educación, Román Rodríguez.
Galicia adiántase sete anos sobre ao propósito marcado pola UE para 2030, que pedía reducir o abandono para daquela a un 9 %. Obxectivo cumprido grazas, segundo a Xunta, aos programas de reforzo para o alumnado con máis dificultades, ao traballo de orientación e ao impulso da FP básica.
"En Galicia reducimos desde o ano 2009 o abandono escolar dezasete puntos porque non hai nada máis inxusto socialmente que o feito de que un mozo saia á rúa sen ningunha titulación".
Segundo os datos da EPA de 2023, catro de cada dez galegos de 20 a 29 anos teñen estudos superiores.
