A UE impón aranceis antidumping ás importacións de biodiésel chino de ata o 35,6%

A comisión Europea impuxo dereitos antidumping ás importacións de biodiésel chino de entre o 10% e o 36,5% co fin de "protexer" a industria da Unión Europea da competencia desleal do país asiático.

Estas medidas sustitúen ás que aplicou provisionalmente o Executivo comunitario en agosto e afectan ás importacións de biodiésel puro ou incorporado en mezclas, con excepcións dos combustibles sotibles para aviación. 

"A imposición de medidas prodúcese tras unha investigación antidumping que revelou que as importacións de biodiésel de China estaban a prexudicar á industria do biodiésel da UE, que afronta unha competencia inxusta e posibles peches de fábricas", sinalou a Comisión Europea nun comunicado.

A institución indicou que a decisión busca protexer unha alternativa renovable aos combustibles fósiles para o sector do transporte na UE, xa que este é o principal uso que se dá ao biodiésel, co que reforza a seguridade enerxética do bloque.

Bruxelas puxera en marcha en decembro unha investigación por mor das alegacións de competencia desleal por parte de China nas súas importacións de biodiésel por "dumping", práctica que consiste en vender a prezos por baixo de custo para facerse co mercado.

A industria do biodiésel na UE move 25.000 millóns de euros ao ano e xera 6.000 postos de traballo en 18 Estados membros, segundo datos da Comisión Europea.