Asalta a cafetería dunha gasolinera do Castiñeiriño e leva 2.000 euros da caixa rexistradora
O individuo rompeu o cristal que dá acceso á terraza traseira do local da gasolineira GV Oil do Castiñeiriño
Ocorreu a noite do domingo ao luns. A cafetería La Trastienda da gasolineira GV Oil do Castiñeiriño (Santiago) estaba xa pechada cando un home rompeu o cristal que dá acceso á terraza traseira. As cámaras de seguridade gravárono e a alarma saltou, pero logrou levar os 2.000 euros que había de recadación na caixa rexistradora.
"Só roubou na cafetería porque as alarmas saltaron, supoño que antes do que pensaba o delincuente, polo que só puido levar o efectivo que había na caixa da cafetería", apunta a encargada da cafetería.
A pesar de que o sistema de seguridade fixo que a Policía Nacional presentárase no lugar en tan só catro minutos, non conseguiron detelo.
