A veciñanza fai brillar a pequena aldea de Xinzo en San Amaro
A veciñanza fai brillar a pequena aldea de Xinzo en San Amaro
Hai tres anos que unha ducia de veciñas e veciños desta pequena aldea ourensá comezaron coa iluminación de Nadal
Contan cun nacemento feito con troncos de madeira e tamén elaboraron diferentes decoracións con material de refugallo
Entre todos colocaron unhas 15.000 luces led nas rúas e na oito vivendas habitadas
É a iluminación da veciñanza da pequena aldea de Xinzo, no concello ourensán de San Amaro. Son oito casas habitadas e unha ducia de veciñas e veciños colaboraron para facer á man as súas decoracións.
Con troncos de madeira ou botellas de plástico e roupa vella foron facendo xuntos os diferentes bonecos e instalando as luces. Un xeito, din, de dar a coñecer a súa aldea.
Ademais de recibir a visita dun equipo da TVG tamén os visitou o alcalde de San Amaro, Fernando Rodríguez, que os animou a que sigan co seu espírito de Nadal. E prometen seguir ampliando as súas decoracións con novos detalles e máis luces.
